الواقع برس اخبار محلية وعالمية
*رئـيـس الـتـيـار الـوطـنـي الـحـر الـنـائـب جـبـران بـاسـيـل:*
– سمعتهم عم يردّدوا كتير انّو يلّي رح يصوّت للتيار بيكون عم يصوّت لحزب الله. شوفوا هالمزحة!
*وانا بالمقابل، بقلّكن:* يلّي بيصوّت للقوات، عم يصوّت لإسرائيل ولحلفائها الاقليميين!
– خلصت الكذبة وبُكرا لمّا بتخلص الإنتخابات بدنا نشوف إذا رح تقعدوا مع حزب الله بالحكومة وبالمجلس أو لا؟
– مع مين بدكم تتحاوروا بالنظام والنموذج والحدود والعلاقات مع سوريّا والخطّة الدفاعيّة؟ أو يمكن معكم حقّ. هيدي مواضيع أكبر منكم، إنتوا بتحرتقوا بالداخل ومسلّمين أمركم للخارج.
– سمير جعجع ما بطّل ولا يوم يكون جزء من المشروع الإسرائيلي بلبنان. إسرائيل يلّي احتلّت ارضنا ودمّرت بلدنا عدّة مرّات؛ اسرائيل يلّي لليوم عم تعرقل استخراجنا لنفطنا وغازنا. اسرائيل يلّي بتعتدي كل يوم علينا بالجو وبالبحر ويلّي تاركتلنا نصف مليون لاجئ فلسطيني على ارضنا.
– يلّي بيصوّت للقوات، عم يصوّت لكل هول، وانتوا بتعرفوا مع هول لشو تعرّض الوجود المسيحي بلبنان وبالشرق ووين صار. بلبنان، من ايام دين براون وفكرة ترحيلنا بالبواخر لأيام فيلتمان، نحنا بعقلهم مشروع ترحيل جماعي دائم. وبالمنطقة، شوفوا حروب اسرائيل والغرب شو كانت نتيجتها على المسيحيين
– شو مشروعكم للبنان غير إسترضاء الخارج والتحريض علينا حتى ننوضع عَ لوايح العقوبات؟ شو مشروعكم للبنان بالسياسة وبالإقتصاد غير إنّو تشتموا حزب الله بالإعلام وتودّولوا بالمخفي وسطاء حتى تتقرَّبوا منّو؟.خلصت الكذبة!
– في قسم تمَسكن وتخبّى بعباية التيّار تيأمّن مصالحو، وعند اوّل هزّة، لمّا وقع الإنهيار، خان الثقة والعهد وصار ينَطنط عَ الطرقات ويتصوّر مع الثوار…
🌐🅽🅴🆆🆂🌐🅽🅴🆆🆂🌐
*ملاحظة* *https://khabarajellebanon.com*
🌐🅽🅴🆆🆂🌐🅽🅴🆆🆂🌐
*☆■الإخبارية■☆* *☆■الرياضية■☆*
*لإعلاناتكم على شبكاتنا التواصل مباشرة*
https://wa.me/96170705568?text
*يلفت سرفر موقع “خبر عاجل ليبانون” انه غير مسؤول عن النص ومضمونه، وهو لا يعبّر إلا عن وجهة نظر كاتبه أو مصدره قيل قال يقال*
