*?توقعات الأبراج اليوم الإثنين 15 01 2018*

*وقعات الأبراج اليوم الإثنين 15 01 2018*

*#الحمل*

يوم مهني مهم بس بكون صعب لازم تكون منتبه وحافظلي على سمعتك وعلاقاتك وانتبه من الحكي المخفي وكون صاحي لاي شي .. يوم ماشي حالو بس بدك تكون رايق وصاحي ودقيق لأن في ناس بدها توقعك وفرصة شغل جديد ..

عاطفيا .. لاتلوم حالك بعلاقتك انت قلبك طيب ومابتتنازل وهالشي عم يسمح للشريك يتمادى ..

*#الثور*

ايجابي هاليوم بتحس عندك طاقة زايدة وقوة بتكتر اتصالاتك وبيتحسن وضعك .. ويمكن يكون عندك سفر يوم مناسب لتعزز وضعك وتكون كلمتك مسموعة وقادر على ايصال رأيك وبتتعرف على اشخاص جدد ..

عاطفيا .. عندك القدرة انك تحل المشاكل بعلاقتك فحاول هالشي ولاتتركها تكبر ..

*#الجوزاء*

استغل هاليوم انت ذكي وعم تهتم بامورك المالية وشغلك وعندك فرصة لربح او مكسب .. بس بنفس الوقت خفف مصروفك وانتبه يما يخص العيلة يمكن يكون حدا بحاجتك اليوم وكمان في مصالحات وحلول قضائية عندك ..

عاطفيا .. كون حريص على حبك ولاتسمح للتوتر يستفزك ويخليك تتسرع برأيك ..

*#السرطان*

بعدك تعبان وضغط كتير عليك وعم تفكر بامور الشراكة وفيك تعمل عقد مع حدا بس لاتفقد هدوئك وخليك رايق .. توترك هاليوم وعصبيتك ممكن يسببو مشاكل انت بغنى عنها تعامل بدبلماسية قدر الامكان وحاول ماتستفز حدا ..

عاطفيا .. انت بحاجة لحدا يفهمك ومايزيد الخلاف معك والشريك ماعم يقدر حبك

*#الأسد*

عم تحس بالتعب وعم يتراكم الشغل عليك مشان هيك نظملي وقتك ولاتهمل شغلك وانتبه لصحتك بهاليوم .. انت ماعم تلحق وبدها شوية صبر القصة ورح تمر هالفترة فأهم شي التنظيم لاكلك وحياتك لتعرف تخلص يلي عليك ..

عاطفيا .. عم تنصدم باشخاص كانو كل حياتك وصارو انانيين ماهمن غير حالن ..

*#العذراء*

افضل عم تكون عم تتحسن امورك عم تشعر بشوية راحة وتلاقي انو بدك تعمل شي ..

بادر الحظ بيدعمك اليوم واستغل الوقت والفرص المتاحة لتحصل على نتائج بترضيك

عاطفيا .. عندك رغبة قوية بالتقرب من الحبيب وتعزيز علاقتك لاتوقف اليوم واستغل جاذبيتك لتحصل على حب بيرضيك ..

*#الميزان*

انت مو كتير مرتاح يمكن اهتماماتك بيتية عائلية وعندك ضغط وتعب وممكن تغيير بمكان سكنك .. كون قد المسؤولية ويمكن عم تصلح او تشتغل شي ببيتك ساعد اهلك وتحمل المسؤولية ولا تكون منفعل ..

عاطفيا .. حاول أنك تستغل بعض الفترات لتكون مع الحبيب وتلاقي شوية راحة وهدوء بنفسيتك ولاتلوم حدا لان مارح تستفاد شي ..

*#العقرب*

نشاط ويوم حلو للحركة عندك فرص حلوة للسفر وعم تكتر اتصالاتك ممكن يكون في مواعيد مهمة .. استغل الوقت وحول الامور لصالحك ورح يدعمك الحظ وتعمل شي حلو بشغلك وتطور بانتظارك وممكن تشتري موبايل وانتبه من الحوادث ..

عاطفيا .. عم ترجع امورك افضل عاطفيا برغم الضغط يلي عم يسيطر على العلاقة فرصة لتشوف الشريك اليوم وتقضي وقت حلو لكن حلو المشاكل بهدوء

*#القوس*

يوم بطيء بتهدى اليوم وعم تفكر اكتر بامور المصاري وعندك مكسب او ربح اليوم خليك جاهز .. وحاول لا تزيد مصروفك وتعامل بحذر بشغلك وبدك تعمل شي مميز وناجح وبيحملك اليوم ممكن مشروع جديد ممكن ..

عاطفيا .. بعدا الفرص متاحة لحل مشاكلك العاطفية لكن خفف من حساسيتك وتعامل بعقلانية شوي ..

*#الجدي*

انت افضل بكتير ورح تحس انو رجعت الامور احسن من أول وموضوع رح ينحل ورح يكون عندك الطاقة تقلب الامور لمصلحتك .. افتح صفحة جديدة وبادر واذا بدك افتح مشروع جديد الحظ عم يدعمك ومعك ..

عاطفيا .. رح تكون مسيطر وقادر انو تصل لقلب الشريك وحب جديد ممكن او تجدد بحبك ..

*#الدلو*

مو مرتاح وعم تفوت بيوم متعب وقليل الحظ بدي ياك تنتبه لصحتك وتشتغل الضروري بس .. لاتعمل اي شي ولاتحاول حسم موضوع هاليوم تأخير وتأجيل متوقع لكن بمر وحاول تفكر بايجابية قدر الامكان ..

عاطفيا .. شعور الوحدة رح يسيطر عليك واحساس بالحزن كمان بس حاول تمرق هاليوم وماتتصرف بشكل خاطئ

*#الحوت*

فترة حلوة ومثمرة بما يخص الاصدقاء بس انتبه من وحدتك و عندك لقاءات مع رفقاتك بتساعدك وفي صديق بيوقف حدك .. بهاليوم بتمتلك الطاقة وقادر تأثر بمحيطك يوم منيح نسبيا رح يكون استغلو على أكمل وجه وخلص الشي يلي عليك ..

عاطفيا .. عندك شي رح يفرحك اليوم واعجاب من صديق ممكن ..