الرئيسية / محلية / كتب حسان فرحات .. بعتذر يا سيد.

كتب حسان فرحات .. بعتذر يا سيد.

كتب حسان فرحات.

 

خير ما نبدأ به بعد إقفال الصفحه الرئيسيه من قبل إدارة الفايسبوك هو ماةيلي.

بعتذر يا سيد.

بعتذر منك يا سيد ما رح إمنح صوتي لأي من المرشحين يللي اخترتهن.

بعتذر منك يا سيد لأن عم لاقي صعوبه بالانتقال من ضفة الزعيم يللي تعودت أوعا وإغفى على كذبه على تحريضه على نذالته على وعوده الكاذبه على تمويله للجماعات التكفيريه الإرهابيه.

بعتذر منك يا سيد…سماحته شو عملتلي ؟شو عملتلي قدام يللي تعودنا عليه من أول إيام الحرب .يللي بفضله صرنا نقتل بعض عالهويه.صرنا نسرق .صرنا نخطف ونذبح عالهويه.صرنا نحمل سلاح ونتباهى بصوت الرصاص المدفوع حقو من ممول واحد .نعم ممول واحد لكل الميليشيات يللي استباحت الأرض والعرض وشاركت بالحرب .شاركت بخطف وإخفاء أكثر من 17000 مفقود لغاية اليوم مش معروف مصيرهن بالنسبه لأهاليهم بس معروف مصيرهن عند الخاطف.

بعتذر يا سيد .سماحتك شو عملتلي؟ لا علمتني أسرق ولا أخطف ولا علمتني إرمي فتنه بين فريقين ولا اعطيتني تعليمه .تعليمة إشعال جبهتين لا بين شرقيه وغربيه ولا بين الليلكي والحدت ولا بين سوق الغرب والجبل ولا بين البرباره وحدود محافظة الشمال بأكملها.

بعتذر منك يا سيد .بعتذر منك لأنك ما عندك خبره بالحرب الأهليه إنت وحزبك.

ما عندك خبره بالتشبيح.

ما عندك خبره بنهب اﻷملاك البحريه.

ما عندك خبره بدفن النفايات السامه بجبالنا الخضرا.

ما عندك خبره بالكسارات وبنهش الجبال.

ما عندك خبره بالصفقات والسمسرات واﻷبيض أسود.

ما عندك خبره بالسرقه.

ما عندك خبره بالتوفيق.

ما عندك خبره بالقتل والخطف عالهويه.

ما عندك خبره بجمع الثروات.

ما عندك خبره بمكافحة الإرهاب التكفيري ولا بسبي النسوان ولا بتدمير المساجد ولا الكنائس ولا عندك خبره بتحرير أي شبر من أرضنا المحتله.

بعتذر منك يا سيد. صوتي مش إلك لأن لما بتبعت اولادك يتعلموا ويتخرجوا ويأسسوا شركات بالخارج ونحن اولادنا عالجبهات ضد الصهيوني والتكفيري وفوقهن الأوباش .

بعتذر يا سيد صوتي مش إلك عالأكيد

.بس للصراحه يا سيد صوتي وحياتي واولادي يللي عايشين بفضل دم شبابك.فدا إجرك يا سيد

يللي بفضل حكمتك ونظرتك لﻷمور الداخليه واﻹقليميه عنا أمل بهالوطن.

اعذرني يا سيد

 

حسان فرحات…

شاهد أيضاً

ملف الرئاسة عالق بين التيار وحزب الله لكن ميقاتي أجج الوضع بعقد الجلسة فهل كان ذلك غباء أم مؤامرة؟

ملف الرئاسة عالق بين التيار وحزب الله لكن ميقاتي أجج الوضع بعقد الجلسة فهل كان …

%d مدونون معجبون بهذه: