الواقع برس اخبار محلية وعالمية
?توقعات الابراج اليوم الخميس 11 01 2018
#الحمل
انت كنت بوضع كتير صعب وقضيت ايام مزعجة بهاليوم عم تطلع من هي الحالة تدريجيا .. وعم تحس بأنو في حلول جاية وعم تشفى من مرض وتحل قضية كانت شاغلتك وعندك عندك مال ..
عاطفيا .. لا تكون بعيد عن الشريك وحاول تقرب وجهات النظر حتى ترجعو ..
#الثور
عم تحس انو ماحدا عم يساعدك او يقدر يلي عم تعملو وخاصة من الشركاء تبعك بالشغل .. وهالشي عم يزعجك كتير ويخليك تعمل مشكلة معن اذا ماتجنبت هالشي وبدك رواق حتى تمر بسلام ..
عاطفيا .. ممكن تكون عم تفكر بارتباط هي الفترة وبدك تستقر وممكن تزيد المشاكل مع الشريك وتنهي العلاقة ..
#الجوزاء
انت قدام يوم طويل وصعب بتحس بتراكم الشغل عليك وتعب صحي ومو مرتاح بالمجمل .. وهالشي بخليك بحالة من الضياع حاول ترتب امورك وبلش بالضروري منها ..
عاطفيا .. تعامل مع الشريك بحذر واعطيه اعذار لقلة اهتمامو اذا بدك تستمر العلاقة ..
#السرطان
من الأيام الحلوة يلي بتفرح فيها ببدايات جديدة وفرض مهمة ممكن تكون مساعدة الك .. وخليك جاهز للنجاح لان الحظ معك وعندك القدرة توصل لحلول عائلية ..
عاطفيا .. افتح قلبك بس بهاليوم ورح تلاقي الرومنسية المطلوبة من الشريك او حب جديد اذا اعذب ..
#الأسد
عم تفكر اليوم ببيتك او بييع او شراء عقار و ممكن صحة حدا من الاهل تشغلك ..ومو مرتاح بالك بقصة بتخص العيلة وبكون عندك قلق من هالموضوع كتير ..
عاطفيا .. لاتكون عنيد واترك مجال للتفاهم مع الشريك حتى لو كان الغلط منو ..
#العذراء
يوم بيحملك سفرات قصيرة اتصالات زيارات لقاءات مواعيد قادر توصل رأيك وتكون مسيطر على الاجواء .. لا تفوت الفرصة لتوصل افكارك ولتطور شغلك وتنجح دراسيا ..
عاطفيا .. لاتتعامل مع الشريك باستفزاز اليوم لان ناطرتك اجواء حلوة اذا بدك ..
#الميزان
اكتر شي عم تفكر فيه هو المال او انك تعيد حساباتك دفعت كتير يمكن وصار وضعك محرج .. وبدك تنظم امور الشغل او تبدا شغل جديد وانت بحاجة لحلول ولتطلع من وضعك ..
عاطفيا .. انت امام اختبار للثقة من الشريك خليك منتبه حتى ماتوقع ..
#العقرب
نشيط وطاقتك عالية قادر تقلب الامور لصالحك تصل للي بدك ياه وتكون ملفت للنظر اليوم .. لاتترك مجال للماضي يضعفك فكر بشي جديد تعملو ورح تصل يوم مميز لحتى تنجح وتطلع من تعبك ..
عاطفيا .. لاتعطي فرصة للشريك يستفزك وخليك رايق وكل شي رح يكون متل مابدك ..
#القوس
انت بحال صعب بتحس انو مافي شي عم يزبط او يكمل هاليوم وانو الدنيا مسكرة بوجهك .. وماعم تعرف ليش مدايق من كل شي حاول ترتاح وماتبلش شي جديد يوم ضعيف الحظ وبدو صبر ..
عاطفيا .. بتحس انو الدنيا كلها ماشية ضدك بالحب ومافي شي رح يريح قلبك ..
#الجدي
من الأيام يلي بتحملك تطورات اجتماعية مهمة على صعيد الاصدقاء يلي بتكتر لقاءاتك معن .. لكن ضمن الاجواء المشحونة يلي بتكون جواتك والقلق الكبير بتحس انك مو مرتاح ..
عاطفيا .. ابتعد عن المجازفات بالحب وخليك عقلاني شوي هالفترة ..
#الدلو
كتير من التوتر عم تشهدو علاقاتك خاصة بمجال الشغل وعم تحس انو في ناس بدها تخرب عليك وتضرك .. خليك حذر ولاتستفز حدا هالايام وركز بوضع شغلك والاختبارات يلي ممكن تعيشها ..
عاطفيا .. انت بعيد عن الاستقرار بعاطفتك وهالشي ماعم يساعدك لتريح قلبك ..
#الحوت
بين الضغوط الكبيرة يلي عم تعيشها والحالة الصعبة يلي وصلتلها عم تجيك فرصة للسفر او لتبدا شي جديد .. بس بدك تنتبه بكل خطوة ويوم داعم بساعدك فيه الحظ لتكون منيح وتصل لوضع أفضل ..
عاطفيا .. عم تنزعج على حالتك مع الشريك والكبرياء عم يمنعك تشكي وجع جواتك ..
