الواقع برس اخبار محلية وعالمية
*?توقعات الأبراج اليوم الاربعاء 24 01 2018*
*#الحمل*
يوم حلو بيتطلب منك المبادرة وفتح أبواب جديدة وبدايات مهمة ومشاريع ناجحة انت قادر هاليوم وعندك الطاقة اللازمة .. بترتاح من التعب وبتبادر وبتكون قادر وفي انجاز عندك بس لاتلتفت للماضي وتابع بقوة والمسا بتخف الوتيرة عندك وبتفكر بامور مالية ..
عاطفيا .. مشرق و ملفت للانظار وين ما كنت استغل جاذبيتك وسحرك لتوصل مشاعرك وكون رومنسي ..
*#الثور*
اجلي الامور المهمة يلي بتحتاج حسم وحاول تكون هادي قدر الامكان انهي الشغل الضروري حافظ على صحتك وصبرك .. عم تعاني من حالة ركود وتعب وانتبه من احتيال او سرقة او ضياع واهدى لان في شي حلو لقدام وخاصة المسا يلي رح تسترجع فيه طاقتك وتكون افضل ..
عاطفيا .. تعب ووحدة وفقدان ثقة بالشريك وعدم قدرة على استيعاب الامور انتظر السهرة لتفرج ..
*#الجوزاء*
يوم اجتماعي ومناسب لتطلع من جو التوتر مبسوط لامور عم تصير لصالحك عم تلتقي ناس بتحبن وتلاقي حالك قادر توصل صوتك .. استغل هاليوم وخلص الضروريات لأن المسا بتحس بعدم راحة وممكن تعب صحي وضغوط عليك ..
عاطفيا .. من الايام يلي بتكون فيها ملفت للنظر وكترة الاصدقاء بتخلي قلبك افضل رغم حاجتك لحب واشتياقك
*#السرطان*
يوم لتتصالح مع نفسك وتكون جاهز لاي مشكلة خاصة بالشغل وتحاول تهدى وتخفف توترك .. لاتتهور وحافظ على مكانتك وشغلك كون مرن بالتعامل اذا فيك لاتتسرع والمسا بساعدك صديق وبتحس انك افضل ..
عاطفيا .. انتبه من ردة فعلك تخسرك ناس غاليين عندك ودير بالك من شوية حكي عليك حتى ما تخرب العلاقة وناقش قبل ما تحكم على الامور .
*#الأسد*
نشيط وعندك وقت مميز باتصالات وسفر وحركة وعم تفكر تتقرب اكتر من ناس بهمك امرن ويوم حلو بالمجمل .. وفي عندك تطورات حلوة ووضعك بيتحسن نسبيا بس انتبه من الاعداء المخفيين ومن الناس الحاسدين والمسا بكون عليك انو تثبت حالك حتى ماتخسر ..
عاطفيا .. تعامل مع الحب بطريقة اكتر رومنسية ولاتصدق مين ماكان وخلي حبك اكبر من المشاكل الصغيرة ..
*#العذراء*
اهدى اليوم وانتبه لمصروفك ناقش امورك وخليك متفهم يوم يمكن يحملك مكاسب مادية او اشيا الها علاقة بدين قديم .. وعندك معاملة او قصة عم تنهيها بما يخص القانون والمسا تفكير بالسفر وتواصل مع ناس غريبة ممكن تفيدك كتير
عاطفيا .. لاتسمح للصراع بين قلبك وعقلك يحطك بمواجهات واختار الاريح لحياتك ..
*#الميزان*
عم تتعرض لمضايقات كتير ومتوتر طول الوقت حاول تنهي عقود او تعمل شي متل خطبة .. وعزز شراكتك وانتبه ودقق الاوراق منيح وتصرف بعقلانية والمسا بتفتح الباب لحلول وبتعيد حساباتك المالية ..
عاطفيا .. انتبه من توترك ولا تفقد اعصابك وكون منتبه مع الحبيب وهادي قدر الامكان بهالفترة .
*#العقرب*
بدي منك تخلص شغلك وماتهملو اليوم لان عندك كتير اشيا ضرورية لازم تنهيها اتبع نظام غذائي ونظم شغلك وانتبهلي لصحتك .. انت مو قادر تكمل وتنهي كل شي بوقت مناسب بس كمان لازمك راحة والمسا عم تفكر كتير بعقد شراكة مع حدا ..
عاطفيا .. لاتحاول ترجع لعلاقة قديمة ممكن هالشي يتعبك اكتر فكر بالمستقبل وكون متفهم ويمكن عم تفكر ترتبط هالفترة ..
*#القوس*
عندك يوم حلو في لقائات مهمة وناجحة وشغلك مدعوم بتصميمك لاتفقد الامل وتابع نشاطك حتى تصل لهدفك .. فترة فيها انفراجة وخبر حلو وحظوظ بتدعمك لكن انتبه المسا لان رح تتعب صحيا ويزيد الشغل عليك فلا تهملو ..
عاطفيا .. استثمر هاليوم وبادر لتصل لقلب الحبيب وكون اكتر رومنسية حتى تحصل على يوم ممتع ..
*#الجدي*
انفراجة قادمة حتى لو بالك مو مرتاح شاغلتك امور العيلة والبيت انتبه خليك واعي وحكيم واتصرف بعقل وخليك قد المسؤولية .. بعرف في ضغط كبير بس بدها ليونة منك ولاتكبر القصص والأمور افضل بلا عصبية والمسا امتع الاوقات بانتظارك
عاطفيا .. تعامل مع الشريك بهدوء وانت بحاجة لاهتمام بهيك يوم وممكن تسمع خبر رومنسي المسا
*#الدلو*
اليوم عندك القدرة انك تتميز بشغلك وتكون مسيطر على الجو فرص حلوة ناطرتك وامور كتيرة قادر تعملها .. اتصالات وسفر ممكن وماعم تهدى استغل هالشي بوضعك الصعب وادفع بمصالحك قدر الامكان والمسا عم تشغلك امور البيت ..
عاطفيا .. انت جذاب هاليوم والعيون عليك وعاطفتك زايدة ومجنون الفرصة عندك حاول تتواصل مع الشريك وتحل مشاكلك معو .
*#الحوت*
عندك مكاسب وفرص شغل جديد ناقش مشاريعك واستغل الفرص لصالحك ولاتصرف كتير .. نتائج مرضية اليوم بس بدا متابعة ورح تحصل على يلي بدك والمسا بتفكر تسافر وبتزيد التواصل مع الكل ودراسيا بتنجح كمان ..
عاطفيا .. حافظ على هدوءك لانك محملها زيادة وحاير جواتك ولاتخلي الأمور القديمة تتعبك كمان
