الواقع برس اخبار محلية وعالمية
برنامج #دق_الجرس فكرة بيطرح فيها الاطفال بعض الاسئلة لضيف الحلقة هيدا البرنامج مشغول بطريقة مرتبة واحترافية وإنفعالات الأطفال الموجودين فيه بتميل للأنفعالات الطبيعية
مبارح كانت اول حلقة وكان موجود فيها رئيس حكومة لبنان #سعد_الحريري أنا لا أنكر أن هناك إجماع كبير على أنه شخص آدمي ومهذب وقريب من الناس هيك شخص حرام يكون محسوب عطائفة معينة لأنو شخصية مرنة وعابرة للطوائف لحد ما طفل سأل رئيس حكومة لبنان قديش سعر ربطة الخبز ؟؟
جاوبو الرئيس : ما بعرف ؟؟ شي خمسمية ليرة ؟؟؟ صلحلو الطفل للشيخ وقاله: الربطة سعرها ١٥٠٠ ليرة !
جاوبو الشيخ اه اوك !
مع محبتي والله لرئيس حكومة لبنان … ولكن كيف يستطيع المرء ان يحكم الناس ولايعرف سعر ربطة الخبز الذي يتناولونه رعيته فالمعلوم انه في كثير من دول العالم سعر ربطة الخبز احدثت ثورات واستقالات لحكومات، ربطة الخبز دولة الرئيس مقياس للأمن الاقتصادي وليست عدة تجميل او برميل بوتوكس
بعلم الإقتصاد يا دولة الرئيس سعر ربطة الخبز مؤشر للوضع الاقتصادي بالبلد بس إنك ما تعرف قديش سعر ربطة الخبز يعني إنك ما بتعرف شي
الأكيد يا دولة الرئيس الحلقة نعملت كرمال تكون قريب من الناس .. والأكيد لما ما عرفت أديش حق ربطة الخبز روّحت كل شي عملتوا بالحلقة لأن يا دولة الرئيس ال ١٠٠٠ ممكن تذل رب عيلة يوم بكاملو ليطلع حقها !
