الواقع برس اخبار محلية وعالمية
#الحمل
انت عم تفكر بقصة بتخص عقد او شراكة بهاليوم وممكن تكون ايجابية عليك .. لكن الاغلب عم يكون متوتر زيادة واي مشكلة عم تكبر بسرعة فخليك بعيد عن المواجهات ..
عاطفيا .. عم تفكر بارتباط او خطبة بهاليوم والبعض عندن ضغط كبير عم يفقدن السيطرة على العلاقة
#الثور
يوم فيه شغل كتير على عاتقك وتعب محتمل لهيك انتبه لصحتك وحاول ماتقصر بشغلك .. وحاول بس تخلص الضروري منو لأن ممكن تتعرض للنقد وماحدا رح يقدر تعبك ..
عاطفيا .. ابتعد عن الاجواء المشحونة لأن بتحملك مواجهات انت بغنى عنها ومو ناقصك تعب اكتر ..
#الجوزاء
يوم بيحملك كتير من العاطفة ومدعوم بالحظوظ فحاول تستغل هالشي لتكون بحال افضل .. وادفع بمصالحك لتحصل على فرصة عمل ممكن او تسمع خبر يفرحك ..
عاطفيا .. ماتسمح للعناد والمكابرة يحرمك اوقات حلوة تقضيها مع الشريك بدها شوية تنازل ..
#السرطان
ايام مهمة عم تمر وعم تأثر على شغلك وحياتك وعم تقلب الأمور عندك .. هالشي حاول تخليه بعيد عن اجواء البيت يلي اليوم اخدة كل تفكيرك وممكن تحطك بمواقف صعبة فخليك رايق
عاطفيا .. لاتتعامل بانفعال مع الشريك وحاول تخليه يفهمك ويعرف انو انت ابدا مو مرتاح بسبب الضغط يلي عليك ..
#الأسد
استغل الوقت لتبني علاقات حلوة اليوم مع الكل ولتوصل رأيك .. وبامكانك تسافر وتغير جو وتتحرك براحة اكبر ويمكن عم تنشغل بموضوع بخص احد الاخوة ..
عاطفيا .. احيانا نحنا بحاجة لاوقات عاطفية لنرتاح من اجواء الحياة وفرصة اليوم لمشوار مع الشريك ..
#العذراء
الأجواء العامة فيها ضغط وتعب عليك بس انت لازم تكون قوي وماتسمح للظروف تتعبك .. فرصتك اليوم لشغل جديد لمال ممكن يجيك بس انتبه كتير من ناحية مصروفك الزايد ..
عاطفيا .. يمكن انت ببداية حب حاول تستغل هالشي لتعززها وماتسمح للمشاكل تدخل العلاقة ..
#الميزان
بعد أيام صعبة ومعاناة وعدم راحة عم تطلع اليوم تدريجيا من هي الحالة وتصلح الأمور وتفرض شخصيتك .. حاول تغير كل شي لتبدا من جديد بقوة ومدعوم انت بالطاقة والحظ لاتخاف ..
عاطفيا .. لاتسكر كل البواب بوجهك وتأكد انو يلي عم يعذب قلبك هو يلي رح يخسرك ..
#العقرب
يوم ببلش باحساس بالضيق وانو كل شي واقف والأمور بدل ماتمشي لقدام عم تمشي لورا .. هالشي بخليك بحالة صعبة ومابتعرف شو تعمل بدي منك صبر وعدم التسرع بشي لان يوم ضعيف الحظ ودير بالك على صحتك ..
عاطفيا .. تعامل بطريقة المسايرة ولا تتخذ اي قرار بعلاقتك لأن رح تكون بموقف صعب مع الشريك ..
#القوس
يوم فيك فيه تتمنى امنية وتطلب مساعدة صديق لتحقيقها بيحملك حالةةاجتماعية مميزة .. وهلي عندك ثقة بوجود كتار معك ودعم كبير حاول تستفيد منو لتدفع مصالحك ..
عاطفيا .. لاتتعامل مع التغيير الحاصل بعلاقتك بطريقة مؤذية للعلاقة وحاول تصل لبر الأمان معو ..
#الجدي
يوم مهم بيحملك تحديات كتير وتوتر حاول تكون رايق وتحل أمور الشغل بهدوء .. وممكن ينحط اللوم عليك وتخرب شي قصة اذا كنت متسرع وما انتبهت ..
عاطفيا .. التعامل مع الشريك مشكلة بحد ذاتها فأنت بحاجة لاهتمام كبير لتكون مرتاح وهالشي يمكن ماعم يفهمو ..
#الدلو
بعد اسبوع صعب مر عليك عم تطلع من حالة التعب وتشعر بهاليوم انو في شي ايجابي وفي تغير لصالحك .. حاول تستفيد من هاليوم وفرصة لتسافر وتتلقى اتصالات بعيدة وتتعرف على ناس اول مرة بتحكين ..
عاطفيا .. يوم بيحملك حلول لمشاكل العلاقة ورومنسية انت بحاجة الها بهيك وقت ..
#الحوت
بعد معاناة وتوتر وضغط كبير عم تكون اليوم بوضع افضل نسبيا رغم تراجع وضعك العام والصحي خاصة .. لهيك بتمنى منك تنتبه وتراجع امورك المالية يلي بتخص الشراكة وتحل مشاكلك ..
عاطفيا .. لاتشغل بالك كتير بالوضع العام لعلاقتك اهدى وحاول تترك الأمور للأيام لان الانفعال بزيدها صعوبة ..
